/ department

ಮೀನುಗಾರಿಕೆ ಇಲಾಖೆ

ಮೀನುಗಾರಿಕಾ ಇಲಾಖೆಗೆ ಅತಿ ಹೆಚ್ಚಿನ ಪ್ರಾಮುಖ್ಯತೆ ಗಳಿಸಿದೆ. ಏಕೆಂದರೆ ಅದು ರಾಷ್ಟ್ರೀಯ ಆರ್ಥಿಕತೆಗೆ, ವಿದೇಶಿ ವಿನಿಮಯಕ್ಕೆ ಮತ್ತು ಉದ್ಯೋಗ ಸೃಷ್ಟಿಗೂ ಕಾರಣವಾಗಿದೆ. ಕರ್ನಾಟಕವು 320 ಕಿಲೋಮೀಟರ್ ಉದ್ದದ ಕರಾವಳಿಯ ಮಾರ್ಗವನ್ನು ಹೊಂದಿದೆ. ಜೊತೆಗೆ 27,000 ಚದರ ಕಿಲೋಮೀಟರುಗಳ ಭೂಖಂಡದ ಪ್ರದೇಶವನ್ನು ಹೊಂದಿದೆ. 5.65 ಲಕ್ಷ ಹೆಕ್ಟೇರ್ ಗಳಷ್ಟು ಪ್ರದೇಶದಲ್ಲಿ ಒಳನಾಡಿನ ನೀರಿನ ಸಂಪನ್ಮೂಲಗಳನ್ನು ಹೊಂದಿದ್ದು ಮತ್ಸೋದ್ಯಮದ ಅಭಿವೃದ್ಧಿಗೆ ವ್ಯಾಪಕ ಅವಕಾಶಗಳಿವೆ. ರಾಜ್ಯದಲ್ಲಿ 9.61 ಲಕ್ಷ ಮೀನುಗಾರರಿದ್ದು, ಅವರಲ್ಲಿ 3.28 ಲಕ್ಷ ಮೀನುಗಾರರು ಕರಾವಳಿ ಭಾಗದಲ್ಲಿ ಮತ್ತು 6.33 ಲಕ್ಷ ಮೀನುಗಾರರು ಒಳನಾಡಿನಲ್ಲಿದ್ದು ಮೀನುಗಾರಿಕಾ ಚಟುವಟಿಕೆಯಲ್ಲಿ ತೊಡಗಿದ್ದಾರೆ. ಮೀನುಗಾರಿಕಾ ಸಚಿವರಾದ ಶ್ರೀಪ್ರಮೋದ್ ಮಧ್ವರಾಜ್ ಅವರ ಪ್ರಯತ್ನದ ಫಲವಾಗಿ ರಾಜ್ಯದಲ್ಲಿ ಮೀನುಗಾರಿಕೆಯ ಉತ್ಪಾದನೆಯಲ್ಲಿ ಶೇ. 10ರಷ್ಟು ಹೆಚ್ಚಾಗಿದೆ. ಮೀನುಗಾರಿಕಾ ಉತ್ಪಾದನೆಯಲ್ಲಿ ಕರ್ನಾಟಕದ ಕರಾವಳಿಯ ಮೀನುಗಾರಿಕಾ ಉತ್ಪಾದನೆಯು ದೇಶದ 6ನೇ ಸ್ಥಾನದಲ್ಲಿದ್ದು ಮತ್ತು ಒಳನಾಡಿನಲ್ಲಿ 9ನೇ ಸ್ಥಾನದಲ್ಲಿದೆ.

ಸಚಿವಾಲಯವು ರೂಪಿಸಿದ ಹಲವಾರು ಉಪಕ್ರಮಗಳು ಮತ್ತು ಯೋಜನೆಗಳು

ಬಡ್ಡಿ ರಹಿತ ಸಾಲಗಳು
ಒಳನಾಡಿನಲ್ಲಿ ಮತ್ಸ್ಯೋತ್ಪಾದನೆ ಹೆಚ್ಚಿಸಲು ಮತ್ತು ನೀಲಿ ಕ್ರಾಂತಿ ತರಲು ಅಲ್ಪಾವಧಿಯ ಸಾಲವನ್ನು ಮೀನುಗಾರರಿಗೆ ರೂ. 1.5 ಲಕ್ಷ ಗಳನ್ನು ಸಹಕಾರ ಸಂಸ್ಥೆಗಳ ಮೂಲಕ ವಿತರಿಸಲಾಗುತ್ತಿದೆ.

ಮತ್ಸ್ಯ ಆಶ್ರಯ ಯೋಜನೆ
ಈ ಯೋಜನೆಯಡಿ ವಸತಿಹೀನ ಮೀನುಗಾರರಿಗೆ ಮನೆಗಳನ್ನು ನಿರ್ಮಿಸಿಕೊಡಲಾಗುತ್ತಿದೆ. ಮತ್ಸ್ಯ ಆಶ್ರಯ ಯೋಜನೆಯಡಿ ಮೀನುಗಾರರಿಗೆ ರೂ. 60,000ದಿಂದ ರೂ. 1.20 ಲಕ್ಷವರೆಗೆ ಮನೆಗಳನ್ನು ನಿರ್ಮಿಸಿಕೊಳ್ಳಲು ಅನುದಾನ ನೀಡಲಾಗುತ್ತಿದೆ. ಮುಂದುವರೆದು, ರೂ. 7.70 ಕೋಟಿಗಳಷ್ಟು ಹಣವನ್ನು ಬಿಡುಗಡೆ ಮಾಡಲಾಗಿದೆ. ಇದಲ್ಲದೆ, ಮೀನುಗಾರರ ಮನೆ ನಿರ್ಮಾಣಕ್ಕಾಗಿ ಮೀನುಗಾರಿಕೆ ಅಭಿವೃದ್ಧಿ ನಿಗಮದ ನೋಡಲ್ ಸಂಸ್ಥೆಗೆ ರೂ. 7.70 ಕೋಟಿ ಬಿಡುಗಡೆ ಮಾಡಲಾಗಿದೆ.

image_030-3

ಮೀನು ರಪ್ತು
ರಾಷ್ಟ್ರದ ಆರ್ಥಿಕ ಅಭಿವೃದ್ಧಿ ಹಾಗೂ ವಿದೇಶಿ ವಿನಿಮಯಗಳಿಕೆಯಲ್ಲಿ ಮೀನುಗಾರಿಕೆ ಇಲಾಖೆಯು ಪ್ರಮುಖವಾಗಿದೆ. ರೂ. 4,404 ಕೋಟಿ ಮೊತ್ತದ 4 ಲಕ್ಷ ಮೆಟ್ರಿಕ್ ಟನ್ ಗಳಷ್ಟು ಸಾಗರೋತ್ಪನ್ನಗಳನ್ನು ರಪ್ತು ಮಾಡಿದೆ.

ಮೂಲ ಸೌಕರ್ಯಕ್ಕೆ ಒತ್ತು
ಕರಾವಳಿಯಲ್ಲಿ ಯಾಂತ್ರೀಕೃತ ಮೀನುಗಾರಿಕೆಗೆ ಅನುಕೂಲವಾಗುವಂತೆ ಮೂಲಭೂತ ಸೌಲಭ್ಯಗಳನ್ನು ನಿರ್ಮಿಸಲು ಒತ್ತು ನೀಡಲಾಗಿದೆ. ಕಳೆದ ನಾಲ್ಕು ವರ್ಷಗಳಲ್ಲಿ, ರೂ. 225 ಕೋಟಿಗಳನ್ನು ಖರ್ಚುಮಾಡಿ ಮೀನುಗಾರಿಕೆಗೆ ಬಂದರುಗಳ ನಿರ್ಮಾಣ, ನಿಲ್ದಾಣ, ರಾಜ್ಯದ ಕರಾವಳಿ ಸಂಪರ್ಕ ರಸ್ತೆಗಳು ಮತ್ತು ಸೇತುವೆಗಳು ಸೇರಿದಂತೆ ಹಲವು ಮೂಲಭೂತ ಸೌಲಭ್ಯಗಳನ್ನು ಕಲ್ಪಿಸಿಕೊಡಲಾಗಿದೆ. ಮಲ್ಪೆ ಮತ್ತು ಮಂಗಳೂರಿನ ಬಂದರುಗಳಲ್ಲಿ ಮೀನುಗಾರಿಕಾ ದೋಣಿಗಳ ಸಂಖ್ಯೆ ಹೆಚ್ಚಾಗಿದ್ದು ಸಮಸ್ಯೆಯುಂಟಾಗುತ್ತಿದ್ದು, ದಂಡೆಯನ್ನು 75 ಮೀಟರ್ ಗಳಿಗೆ ಹೆಚ್ಚಿಸುವ ಕಾರ್ಯವನ್ನು ರೂ. 5 ಕೋಟಿಗಳಲ್ಲಿ ಕೈಗೊಳ್ಳಲಾಗಿದೆ. ಹೀಗಾಗಿ ದೋಣಿಗಳ ಸುರಕ್ಷಿತ ಇಳಿಯುವಿಕೆಯು ಸಾಧ್ಯವಾಗಲಿದೆ.

ಮಾರಾಟ ತೆರಿಗೆಯ ಮರುಪಾವತಿ
ಸಾಗರದ ಮೀನುಗಾರಿಕೆಗೆ ಪ್ರೋತ್ಸಾಹ ನೀಡಲು 1.5 ಲಕ್ಷ ಕಿಲೋ ಲೀಟರ್ ಗಳಷ್ಟು ಡೀಸೆಲ್ ನ್ನು ಮಾರಾಟ ತೆರಿಗೆಯಿಂದ ಮುಕ್ತಗೊಳಿಸಲಾಗಿದ್ದು, ಇವುಗಳನ್ನು ಯಾಂತ್ರೀಕೃತ ದೋಣಿಗಳಿಗೆ ಪೂರೈಸಲಾಗುತ್ತಿದೆ. ಯಾಂತ್ರೀಕೃತ ದೋಣಿಗಳನ್ನು ನಡೆಸುತ್ತಿರುವ 3,500 ಮೀನುಗಾರರ ಸುಮಾರು 184 ಕೋಟಿಗಳಷ್ಟು ಸಹಾಯ ಧನವನ್ನು ಅವರ ಬ್ಯಾಂಕ್ ಖಾತೆಗಳಿಗೆ ವರ್ಗಾಯಿಸಲಾಗಿದೆ.

ಒಳನಾಡಿನ ಮೀನುಗಾರರಿಗೆ ಫೈಬರ್ ಗ್ಲಾಸಿನ ಹರಿಗೋಲು ವಿತರಣೆ
ಮೀನುಗಾರಿಕಾ ಇಲಾಖೆಯ ನೂತನ ಯೋಜನೆಗಳಲ್ಲಿ ಮೀನುಗಾರರ ಸುರಕ್ಷತೆ ಮತ್ತು ಕಲ್ಯಾಣವನ್ನು ಮತ್ತಷ್ಟು ಸುಧಾರಿಸುವ ಪ್ರಯತ್ನವೂ ಒಂದಾಗಿದೆ. ಫೈಬರ್ ಗ್ಲಾಸ್ ನ ಹರಿಗೋಲುಗಳು ದೀರ್ಘ ಬಾಳಿಕೆಯವುಗಳಾಗಿದ್ದು, ಗಟ್ಟಿ ಮುಟ್ಟಾಗಿವೆ. ಸಮುದ್ರದ ಆಳದಲ್ಲಿ ಮೀನುಗಾರಿಕೆ ಮಾಡಲು ಇವುಗಳು ಅನುಕೂಲವಾಗಿವೆ. ಈ ಯೋಜನೆಯಡಿ ರೂ. 10ಸಾವಿರ ಮೊತ್ತದ 2 ಹುಟ್ಟುಗೋಲು ಮತ್ತು ಒಂದು ಫೈಬರ್ ಗ್ಲಾಸ್ ಹರಿಗೋಲುಗಳನ್ನು ಉಚಿತವಾಗಿ ನೀಡಲಾಗುತ್ತಿದೆ. ಮೀನುಗಾರರು ಇವುಗಳನ್ನು ಬಳಸಿಕೊಂಡು ಒಳನಾಡಿನ ನದಿ ವಿಸ್ತಾರಗಳಲ್ಲಿ ಕೆರೆ, ಜಲಾಶಯಗಳಲ್ಲಿ ಬಳಸಬಹುದಾಗಿದೆ. ಈ ಉಪಕ್ರಮಕ್ಕಾಗಿ ರಾಜ್ಯಸರ್ಕಾರವು ರೂ. 2ಕೋಟಿ ವ್ಯಯ ಮಾಡಿ 2 ಸಾವಿರಕ್ಕೂ ಅಧಿಕ ಮೀನುಗಾರರಿಗೆ ಈ ಸೌಲಭ್ಯ ಕಲ್ಪಿಸಿದೆ.

ಮತ್ಸ್ಯವಾಹಿನಿ ಯೋಜನೆ
ತಂಗುದಾಣಗಳಿಂದ ಮಾರುಕಟ್ಟೆಯ ಕೇಂದ್ರಗಳಿಗೆ ತಾಜಾ ಮತ್ತು ಸುಸ್ಥಿತಿಯ ಮೀನುಗಳನ್ನು ಪೂರೈಸುವ ಸಲುವಾಗಿ ಈ ಯೋಜನೆಯಡಿ ಆರ್ಥಿಕ ಸಹಾಯವನ್ನು ಮಾಡಲಾಗುತ್ತಿದೆ. 3 ಚಕ್ರಗಳ ಟೆಂಪೊ ಕೊಳ್ಳಲು ಶೇ. 25ರಷ್ಟು ಗರಿಷ್ಠ ರೂ. 30,000ಗಳಷ್ಟು ಸಹಾಯಧನ, ಹಾಗೂ 3-4 ಜನರುಳ್ಳ ಗುಂಪೊಂದಕ್ಕೆ 4 ಚಕ್ರಗಳ ವಾಹನಕೊಳ್ಳಲು ಶೇ. 25ರಷ್ಟು ಗರಿಷ್ಠ ರೂ. 35,000 ಸಹಾಯಧನ ನೀಡಿಲಾಗುತ್ತಿದೆ. ಇಷ್ಟೇ ಅಲ್ಲದೆ, ಈ ಯೋಜನೆಯಡಿ ಪತ್ತಿ ದೋಣಿ ಹೊಂದಿರುವ ಮೀನುಗಾರರಿಗೆ ಅಗತ್ಯದ ಮೀನುಗಾರಿಕಾ ಅವಶ್ಯಕತೆಗಳನ್ನು ಕೊಳ್ಳಲು ರೂ.10, ಸಾವಿರಕ್ಕೆ ರೂ. 5 ಸಾವಿರ ಸಹಾಯಧನ ನೀಡಲಾಗುತ್ತಿದೆ.

Namma-Karntaka-_fisheries_dept

ಮತ್ಸ್ಯ ಕೃಷಿ ಆಶಾಕಿರಣ
ಇಲಾಖೆಯು ರಾಜ್ಯದಲ್ಲಿ ಸುಮಾರು 2,500 ಹೆಕ್ಟೇರ್ ಗಳಷ್ಟು ಪ್ರದೇಶದ ಕೆರೆಗಳಲ್ಲಿ ಮೀನು ಉತ್ಪಾದನೆ ಹೆಚ್ಚಿಸಲು ಮತ್ತು ಪ್ರೋತ್ಸಾಹಿಸಲು ಯೋಜನೆ ರೂಪಿಸಿದೆ. ಘಟಕ ನಿರ್ಮಾಣದ ರೂ. 27,000 ಮೊತ್ತದಲ್ಲಿನ ಗರಿಷ್ಠ ಶೇ. 50 ವೆಚ್ಚ ಹಾಗೂ ಪ್ರತಿ ಹೆಕ್ಟೇರಿಗೆ 4,000 ಫಿಂಗರ್ ಲಿಂಗ್ಸ್ ಗಳನ್ನು ಮತ್ತು 2 ಗಟನ್ ಗಳಷ್ಟು ಕೃತಕ ಆಹಾರವನ್ನು ಕೊಳ್ಳಲು ಸಹಾಯ ಧನ ನೀಡಲಾಗುತ್ತಿದೆ.

ಒಳನಾಡಿನ ಮೀನುಗಾರಿಕಾ ಅಭಿವೃದ್ಧಿಗೆ ನೆರವು
ಮೀನು ಸಂಪನ್ಮೂಲಗಳಿಗೆ ಸಾಕಷ್ಟು ಭೂಮಿ ಹೊಂದಿರುವ ರೈತರಿಗೆ ಮೀನು ಸಂಸ್ಕೃತಿಯನ್ನು ಕೈಗೊಳ್ಳಲು ಕೊಳ ನಿರ್ಮಿಸಲು ಪ್ರೋತ್ಸಾಹಿಸಲಾಗುತ್ತದೆ. ಮತ್ಸ್ಯ ಕೊಳ ಘಟಕ ನಿರ್ಮಾಣದ ಒಟ್ಟು ವೆಚ್ಚ ರೂ. 8.5 ಲಕ್ಷವಾದ ಮೂಲ ಧನದ ಶೇ. 50ರಷ್ಟು ಹಣ ಗರಿಷ್ಠ ರೂ. 4.25 ಲಕ್ಷವನ್ನು ಸಹಾಯಧನವಾಗಿ ಮೀನುಗಾರರಿಗೆ ನೀಡಲಾಗುವುದು. ಆ ಮೂಲಕ ಮೀನುಗಾರಿಕೆಗೆ ಉತ್ತೇಜನ ನೀಡಲಾಗುತ್ತಿದೆ.

ಸಂಸ್ಕರಣೆ, ಸಂರಕ್ಷಣೆ ಮತ್ತು ಮಾರುಕಟ್ಟೆ
ರಾಜ್ಯದಲ್ಲಿ ದಿನಕ್ಕೆ 5,609 ಟನ್ ಗಳಷ್ಟು ಐಸ್ ಉತ್ಪನ್ನ ಮಾಡುವ ಸುಮಾರು 263 ಐಸ್ ಘಟಕಗಳು ಇದ್ದು, ಇಲ್ಲಿ 2925 ಟನ್ ಗಳಷ್ಟು ಶೇಖರಣಾ ಸಾಮರ್ಥ್ಯವಿದ್ದು, 11 ಶೀತಲೀಕರಣ ಘಟಕಗಳಿಂದ ದಿನ ನಿತ್ಯ 1255 ಟನ್ ಗಳಷ್ಟು ಶೇಖರಣಾ ಸಾಮರ್ಥ್ಯವಿದ್ದು, 175 ಟನ್ ಗಳಷ್ಟು ಶೇಖರಣಾ ಸಾಮರ್ಥ್ಯವಿದ್ದು ಮತ್ತು 8 ಕ್ಯಾನಿಂಗ್ ಘಟಕಗಳಿದ್ದು ಇಲ್ಲಿ 528.80 ಟನ್ ಗಳಲ್ಲಿ 21 ಮೀನು ಘಟಕಗಳಲ್ಲಿ 424.50 ಟನ್ ಗಳಷ್ಟು ಮೀನು ಸಂಗ್ರಹಣೆಗೆ ಅವಕಾಶವಿದೆ.
ಸರ್ಕಾರವು ರೂ. 6 ಕೋಟಿಗಳಷ್ಟು ಹಣವನ್ನು ಬಿಡುಗಡೆ ಮಾಡಿದ್ದು, ವಿದ್ಯುತ್ ಮೇಲಿನ ಸಬ್ಸಿಡಿಯನ್ನು ಈಗಿರುವ ರೂ. 1.50 ಪ್ರತಿ ಯುನಿಟ್ ನಿಂದ 1.75ಕ್ಕೆ ಹೆಚ್ಚಿಸಿದೆ ಮತ್ತು ಪ್ರತಿ ಘಟಕಕ್ಕೆ ವಾರ್ಷಿಕ ರೂ. 3ಲಕ್ಷದಿಂದ 3.5 ಲಕ್ಷಕ್ಕೆ ಮಿತಿ ಹೇರಿದೆ.
ಕರಾವಳಿ ತೀರ ಪ್ರದೇಶಗಳಲ್ಲಿ ಒಟ್ಟು 2 ಮೀನು ಮಾರುಕಟ್ಟೆಯ ಒಕ್ಕೂಟಗಳಿದ್ದು, ಒಂದು ಮೀನುಗಾರಿಕಾ ಅಭಿವೃದ್ಧಿ ನಿಗಮವಿದ್ದು, ಮೀನುಗಾರರಿಗೆ ಮೀನುಗಳನ್ನು ಮಾರಾಟ ಮಾಡಲು ಅವಕಾಶಮಾಡಿಕೊಟ್ಟಿದೆ. ಈ ಸಂಸ್ಥೆಗಳು ಮೀನುಗಾರರಿಗೆ ಡೀಸೆಲ್, ಮೀನುಗಾರಿಕೆ ಅವಶ್ಯಕತೆಗಳು, ಬಿಡಿಭಾಗಗಳ ಇತ್ಯಾದಿ ಪೂರೈಕೆ ಮತ್ತು ಮೀನುಗಳ ಮಾರಾಟದಲ್ಲಿ ನೆರವಾಗುತ್ತವೆ.

image_032-1

ಮೀನುಗಾರಿಕೆ ಸಹಕಾರ ಸಂಘಗಳು (ಎಫ್ ಸಿ ಎಸ್)
ರಾಜ್ಯದಲ್ಲಿ 530 ಮೀನುಗಾರ ಸಹಕಾರ ಸಂಘಗಳು ಇದ್ದು ಇವುಗಳಲ್ಲಿ 455 ಕಾರ್ಯ ನಿರ್ವಹಿಸುತ್ತಿದ್ದು ಸುಮಾರು 75 ಅಪ್ರಚಲಿತವಾಗಿವೆ. ಒಳನಾಡಿನಲ್ಲಿ ಒಂದು ರಾಜ್ಯಮಟ್ಟದ ಮೀನುಗಾರರ ಸಹಕಾರ ಸಂಘವಿದ್ದು, ಕರಾವಳಿಯ ಭಾಗದಲ್ಲಿ ಎರಡು ಜಿಲ್ಲಾ ಮಾರುಕಟ್ಟೆ ಒಕ್ಕೂಟಗಳಿವೆ. ಈ ಸಹಕಾರ ಚಟುವಟಿಕೆಗಳಿಗೆ ಸಹಾಯ ಮಾಡಲು ಶೇರು ಬಂಡವಾಳ, ಮೀನುಗಾರಿಕೆ ಅವಶ್ಯಕತೆಗಳ ಸಾಲ ಮತ್ತು ವ್ಯವಸ್ಥಾಪನಾ ಸಬ್ಸಿಡಿಯನ್ನು ಒದಗಿಸಲಾಗುತ್ತಿದೆ. ರಾಜ್ಯದ ಎಲ್ಲಾ ಎಫ್ ಸಿ. ಎಸ್ ಗಳಲ್ಲಿ ಸುಮಾರು 2,04, 689 ಸದಸ್ಯರುಗಳಿದ್ದಾರೆ. ಮೀನು ಸಂಗ್ರಹಣಾ ಕಾರ್ಯದ ಉದ್ದೇಶದೊಂದಿಗೆ ಈ ಸಂಘಗಳನ್ನು ಸ್ಥಾಪಿಸಲಾಗಿದೆ. 500 ಚದರ ಅಡಿಗಳಲ್ಲಿ ತಮ್ಮದೇ ಮಾರುಕಟ್ಟೆಗಳನ್ನು ಸ್ಥಾಪಿಸಿಕೊಳ್ಳಲು ಮತ್ತು ನೀರು, ವಿದ್ಯುತ್ ಮತ್ತು ಇತರ ಸೌಲಭ್ಯಗಳಿಗಾಗಿ ರೂ. 10 ಲಕ್ಷಗಳನ್ನು ಸಬ್ಸಿಡಿಯಾಗಿ ನೀಡಲಾಗಿದೆ. ಆರಂಭಿಕ ಹಂತದಲ್ಲಿ 20 ಕಟ್ಟಡಗಳ ನಿರ್ಮಾಣದ ಕಾರ್ಯ ಕೈಗೊಳ್ಳಲಾಗುವುದು.

ಜಿಲ್ಲಾ ಕಛೇರಿಗಳಿಗೆ ಮಣ್ಣು ಮತ್ತು ಜಲ ಪರೀಕ್ಷೆ ಕಿಟ್ ಗಳ ಹಂಚಿಕೆ
ಮೀನಿನ ಕೃಷಿ / ಸಂಸ್ಕೃತಿಯ ಕೊಳದ ನಿರ್ಮಾಣಕ್ಕೆ ಒಂದು ಸ್ಥಳವನ್ನು ಆಯ್ಕೆ ಮಾಡುವಾಗ, ನೀರು, ಮಣ್ಣು ಮತ್ತು ಇತರೆ ಸ್ಥಳೀಯ ಗುಣಲಕ್ಷಣಗಳನ್ನು ಪರಿಶೀಲಿಸುವುದು ಮುಖ್ಯವಾಗಿರಲಿದೆ. ಈ ಮೀನುಗಾರಿಕೆಯಲ್ಲಿ ತೊಡಗಿರುವ ರೈತರು ವಿಶ್ವವಿದ್ಯಾಲಯಗಳನ್ನು ಅವಲಂಬಿಸಬೇಕಾಗುತ್ತದೆ. ವಿಶ್ವವಿದ್ಯಾಲಯಗಳಿಂದ ದೂರವಿರುವ ಈ ಸೌಲಭ್ಯಗಳನ್ನು ಪಡೆದುಕೊಳ್ಳುವುದು ಸುಲಭವಲ್ಲ. ಈ ಸಮಸ್ಯೆಯನ್ನು ಜಿಲ್ಲಾ ಮಟ್ಟದಲ್ಲಿಯೇ ಪರಿಹರಿಸಿಕೊಳ್ಳಲು ಮಣ್ಣು ಮತ್ತು ನೀರು ಪರೀಕ್ಷಾ ಕಿಟ್ ಗಳನ್ನು ಪ್ರತಿ ಜಿಲ್ಲೆಗೆ ವಿತರಿಸಲಾಗಿದೆ. ಈ ಯೋಜನೆಯಡಿ ರೂ. 30 ಲಕ್ಷಗಳನ್ನು ನಿಗದಿ ಪಡಿಸಿದ್ದು, ರೂ. 28.08 ಲಕ್ಷಗಳನ್ನು ಈಗಾಗಲೇ ವಿನಿಯೋಜಿಸಲಾಗಿದೆ. 188 ನೀರು ಪರೀಕ್ಷಾ ಕಿಟ್ ಗಳು,ಮತ್ತು 155 ಮಣ್ಣು ಪರೀಕ್ಷಾ ಕಿಟ್ ಗಳನ್ನು ತಾಲೂಕು ಕಚೇರಿಗಳಿಗೆ ವಿತರಿಸಲಾಗಿದೆ.

ಪ್ರದರ್ಶನ ಮತ್ತು ತರಬೇತಿ
ಮೀನುಗಾರಿಕಾ ಇಲಾಖೆಯ ಚಟುವಟಿಕೆಗಳನ್ನು ಜಿಲ್ಲಾ ಹಾಗೂ ತಾಲ್ಲೂಕು ಮಟ್ಟದಲ್ಲಿ ಪ್ರದರ್ಶಿಸಲು ಈ ಯೋಜನೆ ರೂಪಿಸಲಾಗಿದೆ. ಮೀನಿನ ಸಂಸ್ಕೃತಿಯ ಚಟುವಟಿಕೆಗಳಲ್ಲಿ ಆಸಕ್ತ ಮೀನು ರೈತರಿಗೆ ತರಬೇತಿ ನೀಡಲಾಗುತ್ತದೆ ಮತ್ತು ಇಲಾಖೆಯ ಯೋಜನೆಗಳ ಬಗ್ಗೆ ಮಾಹಿತಿ ನೀಡಲಾಗುತ್ತದೆ.

ಕರ್ನಾಟಕ ಮೀನುಗಾರಿಕೆ ಅಭಿವೃದ್ಧಿ ನಿಗಮ (ಕೆ. ಎಫ್. ಡಿ.ಸಿ.)
ನಿಗಮದವತಿಯಿಂದ ಈ ಕೆಳಗಿನ ಯೋಜನೆಗಳನ್ನು ಕೈಗೊಳ್ಳಲಾಗಿದೆ.
• ಮಂಗಳೂರು ನಗರದಲ್ಲಿ ಪ್ರಾಯೋಗಿಕವಾಗಿ ಆನ್ ಲೈನ್ ಫಿಶ್ ಮಾರ್ಕೆಟಿಂಗ್ ಕೈಗೊಳ್ಳಲಾಗಿದೆ.
• ಕರ್ನಾಟಕದ ಆಯ್ದ ನಗರಗಳಲ್ಲಿ ಮೊಬೈಲ್ ಮೀನು ಮಾರಾಟ ಮತ್ತು ಮೊಬೈಲ್ ಮೀನು ಕ್ಯಾಂಟೀನ್ ಗಳನ್ನು ಪರಿಚಯಿಸಲಾಗಿದೆ.
• ಬೆಂಗಳೂರು ಕಬ್ಬನ್ ಪಾರ್ಕ್ ನ ಮತ್ಸ್ಯ ದರ್ಶಿನಿಯನ್ನು ಉನ್ನತೀಕರಣಗೊಳಿಸಲಾಗಿದೆ.
• ಹೈದರಾಬಾದ್ ಕರ್ನಾಟಕ ಮತ್ತು ಉತ್ತರ ಕರ್ನಾಟಕ ಜಿಲ್ಲೆಗಳಲ್ಲಿ ಮತ್ಸ್ಯ ದರ್ಶಿನಿಯನ್ನು ಆರಂಭಿಸಲಾಗಿದೆ.
• NFDB ಮತ್ತು RKVY ಯೋಜನೆಗಳ ಅಡಿಯಲ್ಲಿ ಮೀನಿನ ಮಾರುಕಟ್ಟೆಗಳನ್ನು ಸ್ಥಾಪಿಸಲಾಗಿದೆ.
ಮೀನುಗಾರಿಕೆ ಇಲಾಖೆಗೆ ನೀಡಲಾದ ಅನುದಾನ

ಇಲಾಖೆಗೆ ಸರ್ಕಾರ ನೀಡಿರುವ ಅನುದಾನದ ಪ್ರಮಾಣ

Department-of-Fisheries